MIRINDIMO

Matetemeko yamekuwa yakiendelea hapa Japani kuanzia Ijumaa iliyopita na Shirika la utabiri wa hali ya hewa la Japani limeonya kuwa litatokea tetemeko jingine kubwa la mfuatizo wa tetemeko lililotokea ijumaa iliyopita na kusababisha mawimbi makubwa ya tsunami.

Mpaka sasa kwa ujumla wake shirika hilo limesema kuwa matetemeko madogo zaidi ya 50 yamekwishatokea Japani nzima yakiwa na ukubwa wa 3 hadi tano kwa kipimo cha richa . Wasiwasi uliopo ni kutokea kwa tetemeko lenye ukubwa wa 6 hadi 7 kwa kipimo cha richa kati ya leo jumanne na keshokutwa alhamisi.