MIRINDIMO

Umenuna tu eeh...

Kijana kutoka Tunduru , Mustapha Abdallah amekamilisha ziara yake hapa Japani siku za karibuni baada ya kufanya maonyesho kadhaa ya michoro ya Tingatinga hapa Japani.
Nilibahatika kuongea naye na wafadhili wake waliomleta hapa...



ukitaka kusikiliza mahojiano hayo unaweza kubofya hapo kulia kwenye kolamu ya MARAFIKI....chini hapo kuna neno NHK WORLD Swahili. Nenda kwenye picha yake, Bofya na msikilize...

Kwa hisani kubwa ya NHK World..

Jiji la Niigata katika picha!
A woman fatally stabbed her two children and then tried to kill herself at their home in Kayam, Niigata Prerecture, on Thursday, police said.
Police said they discovered two children bleeding from multiple stab wounds to their heads, chests and backs at their home after receiving an emergency call from the mother just after 6 a.m.The children, a girl aged 12, and and a boy, 15, were rushed to hospital where they later died. Their 47-year-old mother had also sustained cuts to her chest and wrists. She was quoted by police as saying: “I did it,” but did not give any motive.According to police, the boy was found near the front door and his sister was found on her futon in her room. There was evidence of extensive bleeding and a kitchen knife had been dropped. All three were found in their pajamas.
Their father, 56-year-old company employee, had not yet returned home from a night shift.

Waislamu kote ulimwengu leo wanakamilisha funga ya mwezi mtukufu wa Ramadhani baada ya kufunga na kujizuia kufanya mambo yanayomchukiza Mungu kwa kipindi cha mwezi mzima. Waislamu walio wengi kesho Ijumaa watafanya ibada ya Eid el fitri ingawa baadhi ya madhehebu walisherekea sikuu hii leo.
MIRINDIMO inakupa mkono wa Eid , Eid Mubarak......



Qasda...Kama ingelikuwa kule kwetu ...Dufu hapo ndio mahali pake..

Jana kulikuwa na mvua kubwa sana katika maeneo mengi ya Japani.Watabiri wa hali ya hewa wanasema kulikuwa na kimbunga na kwamba maeneo ya mwambao hususan jiji la Tokyo lingekumbwa na mvua na kweli ilitokea.

Picha hii niliinasa katika mitaa iliyopo maeneo ya Kanda na Tokyo , ilikuwa patashika.

Kipindi kinapofika katikati...Watangazaji wa Redio Japani NHK, Anna Kwambaza na Edward Kadilo wakiwa mzigoni leo (Alh.(mchana!

Au unasemaje mdau wa songs.

Genge la watu sita likiongozwa na kijana mmoja wa Ki-Nigeria Nyenche Obenene limekamatwa katika jiji la Tokyo likituhumiwa kuhusika na wizi wa fedha kwa njia ya udanganyifu kwa kutumia mitandao ya kibenki.

Polisi jijini Tokyo wamesema kuwa watu hao wamejipatia takriban Yeni Millioni 570 kutoka benki ya Marekani katika jitihada zinazotajwa za kuziingiza katika mkondo halali wa kifedha. Fedha hizo na matrilioni kadhaa kwa fedha za Tanzania.

Mtuhumiwa Nyeche Obeneme, ana miaka 36 na mmoja wa wakurugenzi waandamizi wa Kampuni moja inayosafirisha magari iliyopo Mkoa wa Saitama hapa Japani , eneo la Okegawa ambaye ameshirikiana na Wa-Nigeria wenzake wawili, mwanamme mwingine wa Ki-Ghana na wajapani wawili mmoja mwanamke na mwingine mwanaume.
Fedha hizo zinaaminika kuwa ni sehemu ya YENI Billioni 2.8 zilizosambaza kwa njia ya mtandao kwenye mataifa saba zikiwemo Japan, Korea Kusini, China na Australia na hii ni kwa mujibu wa dodoso kutoka kwenye akaunti ya Citibank iliyopo New York ikiwa na jina la National Bank of Ethiopia in the autumn of 2008.
Fedha zilizoletwa Japani Yeni Millioni 570 zimekwishachukuliwa Benki na sasa Polisi wanahaha kujua nani kapitiwa na fedha hizo. Habari zinasema kuwa Wa-Nigeria watatu wamekamatwa huko Korea Kusini walipokuwa wakijaribu kuchukua sehemu ya fedha hizo na Mnigeria Mwingine amekamatwa alipokuwa akijaribu kughushi nyaraka bandia za kusafirishia pesa kwenda kwenye Benki ya Citibank. Polisi wameapa kuwa hata yule aliyekula yeni moja atanaswa tu . ……Kazi kwelikweli!

Shirika la Utabiri wa hali ya hewa ya Japani imesema kuwa , Joto kali linaloendelea nchini Japani hususan Tokyo liliwahi kutokea mwaka 1946 , wakati huo ukusanyaji wa takwimu za hali ya joto ulipoanza baada ya vita vya pili vya dunia.

Visiwa viwili vya Japani ndio hali yake imebakia kwa kiasi fulani na joto lililooeleka vya Amami na Okinawa. Miji yote mikubwa vipimo vya wastani vya joto vinaonyesha kuwa juu , Kyoto ikifikia 30.0, Osaka 30.4 , Hiroshima 30.3 na Fukuoka 30.4 wakati jiji la Tokyo wastani wake ulifikia nyuzi 29.5 hadi 32 wakati mingine. Na kibaya zaidi joto wakati wa usiku katika jiji la Tokyo liliendelea kubaki Nyuzi 25.9 wakati fulani na wataalamu wanasema kuwa hii ilitokea miaka 113 iliyopita, japo kwa sasa limepungua kidogo.

Watu kadhaa hususan wazee wanaelezwa kuwa wamepoteza maisha yao kwa ajili ya joto hili


Watu sasa wanalazimika kuvaa vivazi vyepesi, miamvuli na kujifunga mataulo yenye unyevunyevu kupunguza lawama, na nyakati za jioni kwenye fukwe, bichi , chini ya miti watu hujazana. Na wengineo hukaa majumbani mwao wakipigwa na upepo wa mashine.Balaa...

Leo nilikuwa na shughuli za kikazi katika jiji la Yokohama,Jiji jirani na lile la Tokyo hapa Japani . Pamoja na jukumu lililonipeleka hapo kamera yangu imenasa mambo kadhaa. Unaonaje ukanifuata nikuonyeshe baadhi ya mambo niliyoyaona!


Nimeshuka kwenye treni hapo Yamashitacho...taratibu jina hilo!

Moja ya mitaa maarufu inayotizamana na bahari jijini Yokohama.

Jiji la Yokohama liko ndani ya Mkoa wa Kanagawa na ndio makao makuu ya Mkoa huo. Hapa ni ofisi ya mkuu wa Mkoa. Ni Ilala Bomani ya Kanagawa!

Jamaa kakamatwa na Afisa wa Polisi baada ya kupita kwenye taa barabarani wakati bado iko Njano. Hapa anaelezwa na Polisi makosa yake lakini kwa unyenyekevu mkubwa. Picha nimepiga kwa wasiwasi nikaogopa kurestishwa!

Nikazuum camera yangu ...aah nikampata. huyu ni Afisa wa Polisi alikuwa akimuandikia makosa yake dereva wa gari hilo ili akalipe faini. Lakini kwa unyenyekevu mkubwa alichuchumaa na kuanza kumueleza makosa yake. na baadaye akaonyesha ishara ya kupiga magoti..nilishangaa sana!. Kwa Japani madereva ni wateja na wanapokosea uchungu wanauona kwenye adhabu na wala si kwenye sura za maafande...hii unaionaje!

Lengo na madhumuni makubwa ya kufika hapa Yokohama ni kuhudhuria maonyesho ya sanaa ya tingatinga. Aina maalum ya michoro ambayo asili yake ni Tanzania. Kwanza pitisha macho halafu nikutambulishe kwa mchoraji..Mustapha Abdallah...



Jamaa akiwa mzigoni ..huyu jamaa abnnaitangaza Tanzania saana tu kupitia tingatinga.


Pozi na Mustapha..

Mh. huyu anaitwa Shizuoka na sasa anajina jipya anaitwa Abdul Halim baada ya kusilimu. Amekaa Zanzibar kwa miaka 25 akiwa na mkewe Yumiko. Wanaongea Kiswahili vizuri. Anasema ameanzisha kampeni ya kuitangaza Afrika na hasa Tanzania vizuri duniani. Kwa maneno yake wajapani wengi hawaijui Tanzania na bidhaa zake nzuri kama vile kahawa, chai na tingatinga. Huyu Bwana na mkewe ndio waliomleta Mustapha hapa japani ili kuitangaza tingatinga. Tumefanya mahojiano naye na ikifika siku ya siku nitawajulisha jinsi ya kuyasikiliza mahojiano hayo.

Pia nilibahatika kufika katika bandari ya Yokohama....hii ndio bandari kubwa nchini Japani na huwezi kuizungukia yote kwa mara moja. Nilichofanya ni kupitisha macho upande huu , nawe unaweza kuona nilichokiona!


Sehemu ya bandari ya yokohama...


Kaupepo kapo hapo...ndipo nilipoteremka China town ndani ya Yokohama...

Mitaa hiyo ni ya wachina , kuanzia vyakula, aina ya majengo, watu wake na hata pilikapilika za hapo...picha zaidi za eneo hilo nitazitundika muda si mrefu...